Mizoram-a Hindu-ten Dussehra hmang mek

0
450
views

Ram chhung hmun dang rualin Mizorama Hindu-ten vawiin khan Dussera, Vijaya Dashmi tia hriat bawk chu hlim takin an hmang. He ni hi \hatnain sualna a ngamna ni a ni a, pathiannu, Durga-i’n diabola, Ravana tia hriat bawk a hnehna ni a ni. Vijaya Dashmi hi Aizawla Mandir hrang hrang – Babutlanga Mandir-ah te, Bawngkawn, Khatla, Zotlang, Govt. Complex-a Shiv Mandir te bakah Kolasib District Bualpui, Lunglei, Siaha, Tlabung leh Chawngtea Mandir-ah te hman a ni bawk. Dussera hmangtute hi khawvel puma remna leh muanna a awm theihna tur te, Mizorama remna leh muanna leh hmasawnna a awm theihna turte leh anmahni ham\hatna dilin pathiannu Durga hnenah an \awng\ai a, Dussera hmangtu hmun hrang hrang a\anga kal khawmte chuan an thawmhnaw \ha ber ber inbelin Mandir hrang hrangah an pathian an bia a, zaiin an lam bawk a ni. Vawiin chawhnu kha pathiannu, Durga lim tuia thlak hun a ni a, Assam Rifles leh Aizawla Gorkha-te chuan Tuirialah Durga lim hi an thlak a, Hindusthan Club chuan Sairanga Tlawng luiah an thlak bawk a, zanin hian Babutlanga Mandir-ah leh Mandir dangah te pawh Dussera lawmna leh \awng\aina programme an nei zui dawn a ni.