Thawhtanni atangin lirthei intlanchhawk tan dawn

0
693
views

Traffic Management Coordination Committee ruahman angin Aizawl khawpuiah naktip, Thawh\anni a\angin sorkar motor, mimal motor leh lirthei ke hnih nei chi zawng zawng an intlan chhawk \an dawn a. Hei hi Aizawl khawpuia lirthei tawt lutuk tihziaawmna tura a en chhinna tur a ni a, October thla chhung hman phawt a ni ang. Motor hi October ni 1 a\anga intlan chhawk \an tura tih ni mah se, ni 1, nakt<k hi Pathianni a nih avangin ni 2 a\angin an intlan chhawk \an dawn a ni. Traffic SP, Pu C. Lalthanmawia chuan, lirthei intlan chhawkna tur hi khauh taka ken kawh a ni dawn tih Zonet a hrilh a, a en chhinna tur ni mah se, mipui tan a \hat dawn leh dawn loh fiah turin khauh taka bawhzui a ni ang a, Aizawl khawpui chhung hmun pawimawh laiah Traffic Police Duty-tir an ni ang a, thupek zawm lote chu MV Act 179 tlawh chhanin, mana thiam loh chantira Rs. 500 chawitir nghal zel an ni dawn tih a sawi. Pu C. Lalthanmawia chuan, lirthei intlan chhawk \an ni, kar leh Thawh\anni hi October ni 2 a nih avangin motor number, 2-a tawp chu a tlan thei dawn lo tih a sawi a, zawm \heuh turin mipuite a ngen a ni.

Traffic Management Coordination Committee ruahman dan chuan, Pathianni tih loh, ni dang zawngah zing dar 8:30 a\anga tlai dar 6 thleng, he thup>k hi hman \hin a ni dawn a, number 1-a tawp motor-te chu ni 1, 11, 21 leh 31-ah an chhuak thei lovang a, 2-a tawp chu ni 2, 12, leh ni 22 an tlan chhuak thei lo ang. Hetiang zel hian a dangte pawh an number tawp dan a zirin an ding \hin dawn a. Hei hian District dang leh state pawna register, Private motor, Aizawla awm leh tlan lut turte pawh a huam dawn a ni. Lirthei intlan chhawk tur hian Governor, Chief Minister leh Assembly Speaker leh anmahni zuitute, mihring phur chi – City bus, Maxicab, Auto Rickshaw, zirna ina hman bus, Department bus leh Department lirthei ke hnih nei chi te, Police, Excise, damdawi ina duty Ambulance, mitthi phurhna motor, Magistrate duty, Media-a thawk MJA sticker bel te, PHE emergency duty, bawnghnute sem, chanchinbu sem, AMC bawlhhlawh paih motor, sipai leh paramilitary force motor te huam lova, Taxi-te chu an intlan chhawk dan pangngaiin an tlan chhunzawm bawk ang. Traffic SP chuan, en chhinna atana lirthei intlan chhawk chhunga rawtna siam duh chuan October ni 25 thleng, a hnenah thehluh theih a ni tih a sawi a. Traffic Management Coordination Committee ruahman anga Aizawla lirthei nei zawng zawngte tana Garage siamna tura hun pek pawh a tawp hnaih tawh avangin lirthei neitute chu an hun neih chhunga a dahna tur siam vek turin a ngen bawk.