Mi tam tak chu sorkar hna a\anga an Pension hnuah tih tur hre mumal lova awm awl mai mai an awm \hin laia inthlahdah mai lova pawl \ha tak an din chu thil tih chi tak nia a hriat thu sawiin, Sorkar hmalakna tichaktu nih tum zel turin an pawl member tinte chu a chah a ni. Pu C. Lalrinsanga chuan, Agriculture, Horticulture and Irrigation Departmen Officer Pension-te chu thiam bik nei mi \angkai tak tak an nih angin Sorkar-in Project hrang hrang a duan tihhlawhtling tura hmala tur leh a hmuna thil awmdan an en pawh sorkar hmalakna chak zawka kalpui a nih theih nan a \angkai hle dawn niin a sawi a. Department an enkawl laia Sorkar kalphung \ha tawk lo nia an hriatte pawh ngawih bopui mai lova, thurawn pe a, \angkai taka awm tum turin a chah bawk. Agriculture Minister chuan, Mizoram Agriculture, Horticulture and Irrigation Officer Pensioners Association member-te chu a taka hma an la peih reng dawn a nih phawt chuan sorkar tan chhenfakawm tak an nih thei dawn nia sawiin,. an thiamnate ngawihbopui mai lovin, Sorkar chuan an thlawpna a thlahlel reng tih hre turin a chah bawk.
He inkhawm Aizawl District Agriculture Officer Sameti Training Hall-a neih hi an pawl President, Pu C. Lalniliana’n a kaihruai a, chawhnu lamah ro an rel bakah an pawl hruaitu thar tur an thlang a ni. Mizoram Agriculture, Horticulture and Irrigation Officer Pensioners Association-ah hian member 80 vel an awm a ni
