BJP Mizoram Pradesh General Secretary, Pu Ramthansanga chuan Union Civil Aviation Minister hi vawiin chawhnu dar 2 khan New Delhi-a a Pisa-ah hmuin, Jet Airways-in Mizorama thlawhtheihna service an tihtawp tak avanga Mizo mipuiten harsatna an tawh mek thu a hrilh a. Tunah hian Lengpuiah Air India thlawhtheihna chiah a service tak avangin ticket chan a harsa a, Airport dang hnai ber Silchar Airport chu a panna a hlat tham deuh bawk si avangin tuna Mizo mipuiten harsatna an tawh mek hi sutkian a nih nan Mizoramah Air India thlawhtheihna tam zawk service tir turin a ngen a ni. An inkawmnaah hian Union Minister chuan, Mizo mipuite harsatna sutkian a nih theih nan hmalak nghal a nih tur thu Pu Ramthansanga chu hrilhin, tun thlaah chuan hun a awm tawh loh avangin March thla a\angin Aizawl to Delhi, Delhi to Aizawl leh Aizawl to Guwahati, Guwahati to Aizawl chu kawng hnih danga thlawhtheihna tirh belh a nih tur thu a lo hrilh a ni.
