Mizoram Assembly Budget Session April ni 2 thleng atan pawhsei a ni

0
462
views

Mizoram Assembly Budget Session kal lai, tun thla ni 29 thleng awh tura lo duan tawh chu April ni 2 thleng atan pawhsei a ni. Session pawhseina tura thutlukna Business Advisory Committee-in a siam hnuah programme thar hi member te hnenah sem a ni tawh a, chumi ang chuan March ni 30, Zirtawpni chu Good Friday a nih avangin chawlh a ni ang a, a tuk, Inrinni leh Pathianni thleng chawlh a nih hnuah Session hi April ni 2-ah chhunzawma zawhfel tum a ni ang. He Session-a demand ngaihtuah hnuhnun ber tura ruat, Pi Vanlalawmpuii Chawngthu hna chanpual leh Chief Minister, Pu Lal Thanhawla hna chanpual enkawlna tura sum ruahmante chu tun thla ni 29-ah pass a, budget pumpui hman phalna Bill nen pass tum a ni a, amaherawhchu, sorkar Bill pathum he Session-a ngaihtuah tur a luh avangin Session hi pawhsei a ni a, Bill lut te hi dan thar siamna tur, “The Chite lui (Prevention & Control of Water Pollution) Bill, 2018” Environment, Forest & Climate Change Deptt. a\anga dawn te, dan dinglai siam\hatna tur, “The Mizoram Protection of Interest of Depositors (In Financial Establishment) (Second Amendment) Bill, 2018” leh MLA te puitu, Personal Assistant te hlawh tihpunna tur, “The Salaries Allowances & Pensions of Members of Legislative Assembly (6th Amendment) Bill, 2018 te a ni.