Mizoram Assembly inthlanna tun thla ni 28-a neih tura Champhai South bial leh Serchhip biala chuh turin Chief Minister, Pu Lal Thanhawlan vawiin khan a hming a pe lut.

0
399
views

Champhai South biala chuh tura a hming pek luhna hi Returning Officer, Dr. Naveen Agarwal a ni a, amah ngei kalin a hming a pe lut a ni. Serchhip biala ding tura a hming pek luhna lehkha hi a aiawhin party miten Returning Officer, Pi Sangchhin Chinzah hnenah an pe lut a ni.

Pu Lal Thanhawla bakah hian Serchhip biala ding turin Zoram thar hruaitu, Rev. Dr. Zaichhawna Hlawndo pawhin vawiin khan a hming Returning Officer, Pi Sangchhin Chinzah hnenah a pe lut a ni. ZONET zawhna chhangin Rev. Dr. Zaichhawna Hlawndo chuan Zoram thar chuan tun \uma Mizoram Assembly inthlannaah hian candidate 26 dah an tum niin a sawi a ni. MNF President, Pu Zoramthanga erawh chuan a dinna tur Aizawl East I bial Returning Officer, Pu R. Lal\hazuala office-ah naktukah a hming a pe lut dawn niin Party hruaitute hnen a\anga thudawn a ni.

Puan tawh angin ZPM Chief Minister Candidate, Pu Lalduhoma chuan tun thla ni 2 khan Serchhip biala ding turin a hming Returning Officer, Pi Sangchhin Chinzah office-ah a lo pe lut tawh a, PRISM President Pu Vanlalruata, Serchhip biala ding tura hming lo pe lut tawh pawhin vawiin khan a bial hnihna atan Aizawl North-1 Returning Officer Pi H Lalchhandami hnenah a hming a pelut leh a ni. Hetihlai hian serchhip biala NPP ticket-a ding tur Pu Kapliana Pachuau pawhin vawiin khan a hming a pelut bawk.