Tun thla ni 28-a Mizoram Assembly inthlanpui neih tura chuh tumte tana hming pekluh theih hun chu naktuk hian a tawp dawn a, bial hrang hranga Returning Officer-te hnen a\anga Zonet thudawn danin Candidate tura beisei zinga a tam zawkin hming an pe lut tawh.

0
355
views

 

Thorang biala Congress ticket-a ding tur Pu Zodintluanga Minister chuan RO Pu Lalnundika office-ah a hming a pe lut a, Aizawl North III biala Congress ticket-a ding tur Pu Lal Thanzara’n RO Pi Zosangzuali office-ah a hming a pe lut. Minister dang hming pe lutte hi Pu H. Rohluna, Pu KS Thanga leh Pi Vanlalawmpuii Chawngthu te an ni. Minister hlui, Congress ticket-a Siaha biala ding tur Pu S. Hiato pawhin RO Pu Zoensanga office-ah a hming a pe lut a, MNF Minister hlui, Aizawl West I biala MNF candidate, Pu K. Sang\huama’n RO Pu John Laldinsanga hnenah a hming a pe lut a, MP hlui, MNF Party Treasurer ni bawk Pu Vanlalzawma pawhin Aizawl West III biala ding turin RO Pu H. Lalhmingthanga pisaah a hming a pe lut a, Aizawl South II biala MNF ticket-a ding tur, Pu Denghmingthanga leh Aizawl South III biala MNF ticket-a ding tur, Dr. F. Lalnunmawia ten Returning Officer, Pu Lalengmawia hnenah hming an pe lut bawk a ni.

Congress candidate vawiina an dinna tur biala hming pe lutte zingah Aizawl North I biala ding tur, Pu C. Lalhlimpuia, Aizawl West II biala ding tur, Dr. Malsawma Nghaka, Aizawl West I biala ding tur, Pu PC Laltlansanga, Serlui biala ding tur, Pu Anggu Lalhmachhuana, Tuikum bial ding tur, Sangzela Tlau, Tuirial biala ding tur Pu Joseph L. Ralte leh Palak biala ding tur, Pu KT Rokhaw te an tel a ni.

PRISM \halai President Pu RL Liantluanga pawhin Hrangturzo biala ding turin vawiin khan Serchhip-a Returning Officer Pu Chuauhnuna hnenah a hming a pelut bawk.

Tun \uma Mizorama Assembly inthlanna neih turah hian candidate te tana hming theih hun ni hnuhnung ber chu naktuk, chawhnu dar 3 thleng a ni a, hming pek luhna lehkhate hi tun thla ni 12, karleh Thawh\anniah endik a ni ang a, inhnukdawk leh duh tan ni 14 thleng hun hawn a ni ang.