Kumin kum tawp lama Mizoram Assembly inthlanpui neih tura inbuatsaihna kalpui \an a ni a, vawiin khan Supervisor te leh Booth Level Officer te tan DC Conf Hall Siaha-ah training buatsaih a ni.
Training hmanpuitu Siaha Addl DC Pu James Lalnunmawia, ERO ni bawk chuan mipui rorelna Democracy ramah inthlanna chu hriamhrei tel lova indona chikhat a nih avangin inthlan buaipuitu tur Election official te chu \ha taka an inbuatsaih lawk a \ul tih a sawi a, langtlang leh felfai taka inthlanna buatsaih chu inthlan buaipuituten hnehna an channa a ni tih vawng reng turin inthlan buaipuitu turte a chah a ni.
Training hi hun hnihah \henin, a thawh khatna-ah BLO Register Application tih thupui hmangin Election Officer Pi B.Malsawmtluangi zirtirna a pe a. AERO Pu Lalrinawma pawhin thupui thlan bik behchhanin zirtirna a pe bawk a, a thawh hnihna ah form hrang hrang dahkhah dan AERO Pu Zoramsiama Hmar in a zirtir a, Electoral Literacy Club din chungchangah Pu Lalrinawma Khiangte in zirtirna a pe bawk.
