Mizoram Bamboo Mission huaihawtin Mizorama eizawnna atana mau hmang mi 50 chuangte chuan harsatna an tawh leh hmasawn zel tura hmalak dan tur chungchang Synod Conference Hall-ah an sawiho.

0
282
views

 

Sawihona hawngtu Mizoram Bamboo Mission Director, Pu Lalthangliana Murray chuan he inkhawmah hian National Bamboo Mission a\anga Mizorama mau hmanga eizawngten \anpuina an hmuh theih dan te, an thilsiam chhuah hralhna zawn sak dan leh Bank Loan lak duh tana lak dan tur chungchang a sawifiah a ni. He sawihonaah hian North East Industrial Promotion Policy thar a\anga subsidy leh \anpuina hmuh theih dan te, Horticulture Deptt. lam a\angin huan siam duhte tana huan siamna scheme hman theih dan te leh Sub Mission on Agro Forestry hman \angkai dan tur te sawifiah a ni. National Bank for Agricultural and Rural Development (NABARD) a\angte, North Eastern Development Finance Corporation Ltd. (NEDFI) a\angte-in mau hmanga eizawngtute tana scheme hrang hrang awmte leh loan an pek theih dan te sawifiah a ni bawk. Mizorama mau hmanga eizawngtu he sawihonaa telte hi kut them thiam mau hmanga thil chi hrang hrang siamtute, furniture, mat ply, composite bamboo, bamboo chipping, agarbati, mauhawl leh vinegar siamtute bakah mautuai a\anga eitur siam chhuaktute an ni.