Vawiina an party pisaa thuthar thehdarhtute a kawmnaah Pu Vanlalhmuaka hian, Assembly Budget Session-a Pu Zodintluanga Resolution putluh “BJP rorelna hnuaiah India ram sakhaw zalenna humhim a nih zel theih na turin Mizoram sorkar hian sorkar laipuiah ziakin ngenna thlen rawh se” tih sawihonaah Chief Minister Pu Zoramthanga’n BJP \ha an tih loh thu leh an party pawhin an do zel tur thu a sawi chu an ngaithutak hle tih a sawi a, NDA leh NEDA Constituent member tan sawi awm loh tak sawiah an ngaih thu leh MNF mizia a tichianga an hriat thu a sawi a, BJP chu MNF party-in \ha lo a tih chuan “Pathian leh kan ram tan” titu party an nih angin BJP kaihhruai NDA leh NEDA constituent member a nihna a\ang inhnuk dawk turin an phut tih a sawi.
Pu Vanlalhmuaka chuan, tun hnaia MPCC ten hnam hnufual leh tlem zawk te tana chanvo hausakna Sorkar laipuiin a titawp dawn anga an sawi chu thu dik lo a nih thu a sawi a, he thila Supreme Court judgement lo awm chungchang pawh kum 2012 a Uttarkhand state-a Congress Sorkar-in hnam tenaute Reservation a tih tawp sak vanga lo chhuak a ni a ti a, sorkar laipuiin reservation tihtawp tumna nei lo nia sawiin, MPCC chu mipuite thudik tawk lo hmanga bum tumah a puh a ni.
Pu Vanlalhmuka chuan, tun hnaia MPCC President Pu Lal Thanhawla’n BJP in ILP a ti tawp ngei ngei dawn tia a sawi chungchang pawh chhangin BJP chu ILP hlip zawnga hma la chi party a nih loh thu a sawi a, a mamawhtu state pek belh zawnga kal a nih zawk thu sawiin Pu Lal Thanhawla’n zawlnei a nih loh thu a insawi angin ILP chungchanga a thupuan pawh a dik lo a ni a ti.
