Mizoram Board of School Education buatsaihin nimin khan Lawngtlai Govt. Higher Secondary School-ah Lawngtlai District-a Higher Secondary School leh High School zirtirtute tan Integrated Evaluation Scheme Software Training neih a ni.

0
287
views

He Training hi Lawngtlaia RMSA Deputy DPC Pu H. Lal\anpuia’n a hawng a, training thil tum chu rualkhai zawka zirtirna kalpui theihna tur niin a sawi a ni.

He Training hi Lungleia MBSE Regional Officer, Pu R. Lalthlamuana’n a kaihruai a, hetah hian Academic Officer, Pu Michael Lalrinmawia chuan a lem nena entirin an thil hriat tur te a hrilhfiah a ni. Integrated Evaluation Scheme hi kum 2016-2017 Academic Session a\ang khan High Schoolah hman \an a ni a, kum 2017-2018 Session a\angin Higher Secondary School-ah hman \an leh a ni. MBSE-in he ruahmanna thar a siam ang hian School kalphung pangngaia kum tawpa vawi khat Exam-na neih \hin chu tihtawp a ni a, final exam leh board exam atan mark 80 dah a nih bakah internal examna atan mark 20 dah a ni ta zawk a ni. He Scheme hnuaiah hian inthlahdah miah lovin zirlaiten kum tluanin an zirlai an zir a ngai tawh a, test leh exam pawimawh tak tak an hmachhawn \hin a ni. He training hi Mizoram puma Integrated Evaluation Scheme hmanga data pawimawh lakkhawm theihna tur a ni bawk a ni. He training-ah hian Zirtirtu 53 an tel a ni.