Thingtlang khaw fai inelna, Swachh Survekshan Grameen 2018 chu Champhai District-ah nimin khan tan a ni.

0
295
views

He beihpuithlak hi Champhai Bawrhsap, Dr. Naveen Aggarwal-an DC Conferenec Hall-ah a hawng a ni. He inelna hian Champhai District-a khaw hrang hrang 79 a huam a ni. Hawnna inkhawma thusawiin, Dr. Naveen Aggarwal chuan fai leh thianghlim taka Mizoram a awm theih nan mipui leh khawtlang \anrual a ngai tih a sawi a, mitinin an tih tur \heuh hriaa an hlen chhuah chuan Mizoram hian faina lamah chhinchhiah tlakin hma a sawn dawn niin a sawi a ni. Bawrhsap chuan harsatna an tawh chungchangah te, sorkar lam chhan theih zawhna awm te chu zawt hreh lo tur leh sorkar hotute hrilh hre zel turin mipuite a fuih bawk a ni. Bawrhsap chuan faina leh thianghlimna lama mawhphurtu Deptt. hrang hrangte chu khawtlang hruaitute leh mipuite nen lungrual taka thawkho turin a ngen bawk a ni. He inkhawmah hian Champhai Sub Hqrs. YMA President, Pu VL Chama pawhin thusawiin, faina leh thianghlimna lama beihpuithlak thlawp tura YMA chu sawm a nih thu leh an sawmna chu pawmin YMA chuan theihtawp chhuah a inhuam tih a tarlang a ni. Thusawitu dang PHE Deptt.-a Executive Engineer, Pu J. Kapkima pawhin khaw fai thlan kawnga ngaihpawimawh tur leh tehfung hrang hrang hman tur te a sawifiah a ni. He inkhawm hi PHE SDO, Pu V. Laldanmawia’n a kaihruai a ni.