Exam hi chawhma dar 10 ah tan a ni a, Economics leh Chemistry zirlai ten exam hi an bei a. Centre tam zawkah chuan exam tura kal zirlai te hian dar 8:30 velah an exam na hmun tur an thleng a, exam tan hma darkar chanve hmalamah exam hall-ah an lut kim hman vek tawh a ni.
MBSE hotute hnen atanga ZONET thudawn danin mahni awmna atanga hnai bera exam theih a nih avangin zirlai absent an awm em tih a la hriat mai theih loh a, hetihlai hian zirlai te hi an kal tha hle nia an hriat thu an sawi. Naktukah Sociology Subject zirlai ten exam hi an chhunzawm leh anga a tuk zirtawpniah Home Science leh Computer science zirlai ten an chhunzawm ve leh dawn a ni.
Vawiina HSSLC exam rual hian pawl 10 zirlai subject ba nei te pawhin compartmental exam an hmachhawn bawk a ni.
