Mizoram Board of School Education in kumin June thlaa High School Leaving Certificate leh Higher Secondary School Leaving Certificate Compartmental exam result a ti chhuak

0
206
views

Mizoram Board of School Education in kumin June thlaa High School Leaving Certificate leh Higher Secondary School Leaving Certificate Compartmental exam result vawiin khan a ti chhuak. HSLC Exam-ah hian exam beitu mi 304 zingah mi 257 an pass a, an pass dan hi za zela 84.54 a tling phak a ni.
HSSLC compartmental exam-ah Arts-ah exam beitu zirlai 112 zinga 82 an pass a, pass dan hi za zela 73.21 a tling a, Science-ah exam beitu mi 38 zingah 23 an pass a, pass dan hi za zela 60.53 a tling a ni. Commerce-ah exam beitu mi 5 zinga 4-in an pass a, hei hi za zela 80 a tling phak a, Vocational Subject-ah 18 zingah 7-in an pass a, pass dan hi za zela 38.89 a ni. Vocational Course-a Computer Technique-a exam beitu mi 5 zingah 1 a pass a, za zela 20 pass ang a ni a, Medical Laboratory Technician Course beitu mi 3 zingah 2-in an pass a, Horticulture-ah exam beitu mi 1-in a pass a, Garment-ah mi 2 zinga 1-in a pass a, Automobile Engineering Technology-ah exam beitu mi 2 zinga 1-in a pass a ni.