Pradhan Mantri Matru Vandana Yojana hman dan leh a pawimawhna tlawmngai pawl hrang hrang hruaitute leh Aizawl khawpui chhunga Local Council member te hrilhfiah

0
244
views

Social Welfare Deptt. in nu naupai leh naupawm te ham\hatna tura sorkar laipui ruahmanna siam, Pradhan Mantri Matru Vandana Yojana hman dan leh a pawimawhna te vawiin khan Aizawl Chanmari YMA Hall-ah tlawmngai pawl hrang hrang hruaitute leh Aizawl khawpui chhunga Local Council member te a hrilhfiah.

He inkhawm hi Social Welfare Deptt. Jt. Director, Pi Vanlalpianpuii’n a kaihruai a, hetah hian PMMVY thil tum leh pawimawhna te, Deputy Director, Pi Zoramthangi Chhangte leh State Programme Coordinator, Pi Brenda Lalrindiki ten a lem nen entirin an hrilhfiah a, he programme hi nu naupai leh nau pawmte ham\hatna turin kum 2010 khan enchhinna angin ram chhunga district \henkhatah hman \an a ni a, kum 2017 kumthar thuchaha Prime Minister, Pu Narendra Modi-an scheme puitlinga pawm a nih thu a puan hnuah tunah hian India rama district 650-ah hman mek a ni a, he scheme hnuaiah hian nu naupai leh naupawm te hahdam zawk leh hrisel zawka an awm theih nan \anpuina Rs.5,000/- pek theih a ni tih an sawi a, a dilna form chu District Programme Officer, CDPO Office leh Anganwadi Center-ah te a thlawnin lak theih a ni tih an tarlang bawk a ni.