Mizoram Bru Displaced People Forum chuan Prime Minister, Pu Narendra Modi leh Union Home Minister, Pu Rajnath Singh-a te hnenah lehkha thawnin Bru Relief Camp hrang hrang paruka awmte ration leh \anpuina sum pek \hin tun thla ni 1 a\anga tihtawp tak pe chhunzawm leh turin an ngen.

0
262
views

An ngenna hi vawiin khan Dharmanagar District Magistrate Pu Yogi Raval Hamendra hnenah an thehlut a, an lehkha chu Prime Minister leh Union Home Minister hnena thawn turin an ngen a ni. An lehkhaah chuan ration leh \anpuina sumfaia pek \hin, cash dole tihtawp a nih avangin Bru Camp-a awm mipuiten harsatna an tawk \an niin an sawi a, Mizoram Bru te Mizorama hruaikir lehna tura hun ruat September ni 30-a a ral tak avangte, Mizoram Assembly election November ni 28-a neih tur Election Commission-in a puan tak avangte-in inthlanna zawhfel hnuah Mizoram mi hruaikir hna chu chhunzawm leh an rawt bawk a ni.