Mizoram Bru Displaced People Forum President, Pu A. Sawibunga’n Tripura Bru Camp atanga Mizoram mite Mizorama an let lehna tura sorkar laipui, Mizoram sorkar leh Tripura sorkar te nen inremna thuthlung an siam chu tihhlawhtlin an tum tih a sawi

0
282
views

Mizoram Bru Displaced People Forum President, Pu A. Sawibunga’n Tripura Bru Camp a\anga Mizoram mite Mizorama an let lehna tura sorkar laipui, Mizoram sorkar leh Tripura sorkar te nen inremna thuthlung an siam chu tihhlawhtlin an tum tih a sawi.

ZONET zawhna chhangin Pu A. Sawibunga chuan inremna thuthlung tun thla ni 2-a New Delhi-a an siam tak chu chak taka bawhzui a ngai dawn niin a sawi a, he inremna thuthlung ang hian sorkar lam chuan tih tur a neih thil chi hrang hrang tipuitling turin chak taka hma lak a ngai dawn a, chung zinga hmanhmawhthlak zualte chu Bru Relief Camp-a awmten kumin kum tawp lama Mizoram Assembly inthlanna neih tura vote an thlak ve theihna tura Electoral Roll ennawn hna thawhte, an Aadhar Card leh Ration Card siam sak te leh thildang tam tak niin a sawi a, zawhna dang chhangin Mizorama an lo kir huna Mizorama an awmna tur hmun lo ruahman tawh, Mamit District-ah khaw 48-ah, Kolasib District-ah khaw 10 leh Lunglei District-ah khaw 4 te chu an inremna thuthlungah sawi tel a ni ve lo tih sawiin, an awmna tur chungchang chu Mizoram sorkar nen a \ul dan a zirin sawiho zui nise a duh thu a sawi a ni.