Zo hnahthlak hnam hrang hrangte pualin Aizawlah hnam lam kutpui, Mizo hnahthlak international cultural festival vawi 1-na vawiin khan Aizawl Mualpuia R. Deng\huama Hall-ah neih a ni.
A hmanpuitu Chief Minister, Pu Lal Thanhawla chuan, Zo hnahthlak hnam peng hrang hrangte chu hmun hrang hrangah cheng rih mah ila unau nihna theihnghilh lova impumkhatna lama hmalak a pawimawh a ni, a ti a. Hemi atana hmalaknaah hian Mizorama chengte an pawimawh tih sawiin, rilru inhawng taka inpumkhatna Ieh inunauna ti nghet zel tura dawnsawn thiam a \ul tih a sawi. He kut-ah hian Art and Culture Minister, Pu R. Romawia chu kut thlengtu niin, Home Minister, Pu R. Lalzirliana chu khual ropui a ni a, NLUP Implementing Board Chairman, Pu JH. Ro\huama MLA chu khual zahawm a ni thung a. Khual ropui, Pu R. Lalzirliana chuan, Mizote chawr chhuahna tobul hrechiang a, hma sawn zel chunga hnam dinchhuah zelna tur atana tha thawhtute hlutna theihnghilh lova, hnam hrang hrang karah Mizo hnam nun zemawi phochhuak a, Miz nihna chu pawnlam thilin a tih khaw loh theih miah lo tur khawpa zahawm an siam theih chuan khawvel hian Mizona hi a ngaisang ang a, mite zingah zum bik takin an awm reng lovang tih chu a ngaih dan a nih thu a sawi.
Mizo Hnahthlak International Cultural Festival-ah hian Mizoram chhung leh pawna Zo hnahthlak zaithiam leh cultural troupe hrang hrangin hnam zai leh lam chi hrang hrang an entir a. Kumin May ni 22 a\anga June ni 2 chhunga MCO Silver Jubilee puala Hnam lam Intihsiaka ti\hate hnenah lawmman sem a ni a, he kuta telte hnenah pawh lawmman hlan a ni bawk.
