Mizoram chhimlama Tlawmngaipawl lian ber, Young Lai Association din champha vawi 45na chu vawiin khan Branch hrang hrangin an lawm.

0
342
views

YLA Day hi Branch YLA ten \ha an tih angin an hmang a, Lawngtlai khawpui chhunga Branch te chuan midang tana thil\ha tihna niah an hmang hlawm a, YLA kumpuan bawhzuiin, faina hnatlangte an buatsaih a, Branch thenkhat chuan infiamna leh intihhlimna hun atan hmangin ruai nena lawm te pawh an awm a ni.

New Hmunlai Branch te chuan Hmunlai leh Chawngte inkar kawng chhe zual lai an siam a, Lawngtlai-III Branch te pawn kawngpui chhelai siamin an hnatlang a ni.

Central YLA President Pu J.Sangthangpuia chuan Lawngtlai College Veng ah YLA Day hi a hmanpui a, YLA Member te chu Faina lam a hmalakna chak zawka kalpui tur a ngenin, ramngaw leh nungcha humhalh kawngah theihtawp chhuah zel tur in a chah a ni.

Lai Autonomous District Council a Chief Executive Member Pu T.Zakunga pawhin YLA Day pual hian thuchah siamin member te duhsakna a hlan a ni.

YLA Day ah hian Central YLA chuan kumtin a an lo tih thin angin, Lawngtlai a Damdawiin pathum leh Lairam Motherless Home ah te thilpek an hlan a ni. Central YLA General Secretary Pu J.H.Lalrindika report a tanga a landanin, tun dinhmun ah YLA hian Sub-Hqrs pasarih leh Branch 108 neiin, Member hi 40,000 (Singli) vel an awm mek a ni.