Mizoram State Legal Services Authority (MSLSA) buatsaih lehkhabu “Khawnvar” tih leh Film “Ralkhel Dar” tih chu Law Minister Pu TJ Lalnuntluanga’n vawiin khan a tlangzarh.

0
438
views

“Khawnvar” tih lehkhabu hi Dan lam kaihhnawih mithiam hrang hrang te ziak a ni a, ‘Ralkhel Dar” tih film hi Dan lam khaihhawih film a ni a, serial-a anga siam tur a ni a, tlangzarh tak hi episode hmasa ber a ni.

Govt Mizoram Law College, Legal Chamber-a tlangzarh inkhawm hi MSLSA Member Secretary Pu Vanlalenmawia’n a kaihruai a, Law Minister Pu TJ Lalnuntluanga chuan dan rorelna chu mi chak lo, rethei leh chhumchhia te humhalhna a ni a ti.

Govt. Mizoram Law College Principal Prof. Rualkhuma Colney leh Aizawl District Legal Services Authority Member secretary Pi Sylvie Zomuanpuii Ralte te pawhin thu an sawi a ni.