Mizoram Chief Electoral Officer, SB Shashank duh loh entirna Hnam Chhan Hnatlang chu vawiin khan Aizawl leh Mizoram chhung hmun \henkhatah chhunzawm a ni.

0
300
views

 

Aizawlah chuan Chief Electoral Officer pisa tualah tukin dar 8:30 a\ang khan CEO duhlohna lantirin mipui an pungkhawm leh a, Central YMA ruahmanna siam angin Aizawl khawpui chhunga ruat bik Branch YMA a\anga thawk chhuakte chuan CEO SB Shashank chu Mizoram chuahsan nghal tur leh Tuikuk ten Mizoram pawna vote an thlak an duh loh thu te an au chhuahpui leh a ni.

Joint NGO Coordination Committee Secretary, Central YMA General Secretary ni bawk Pu Lalhmachhuaan chuan thu sawiin, Joint NGO Coordination Committee thuchhuak ni lo rinthu sawidarh an awm \hin chu pawi a tih thu sawiin mizo mipuite hmalakna chu tu party mahin ham\hat lak tum nan hmang lo se an duh tih a sawi.

Hetihlai hian CEO SB Shashank chuan vawiin khan Aizawl chhuahsanin Delhi a pan a, Mizoram a chhuahsan tih hnatlanga thawkchhuak te hmaa puan a nih hnu chawhnu dar 1 vel khan hnam chhan hnatlang tih tih tawp a ni.