Right to Information (RTI) Week 2019 hman mek puala Hnahthiala RTI chungchang zir hona inkhawmah thu sawiin Pu Lalduhthlana Ralte hian RTI Act hian mipuite ram neitu thinlung puttirin a chawikang a, hrechiang tura zir peih a \ul a ni a ti a, RTI Act chu chhung leh khat, hmelhriatte tih mualphona hmanrua ang deuha ngai Mizoramah an awm chu thil \ha lo tak a ni a, sorkar neitu an ni tih mipuiten an hriat chian theihna turin RTI Act hman \angkai a \ul a ni a ti.
Pu Lalduhthlana Ralte hian Sorkar hmalakna leh hnathawhte hriat chu khua leh tuite chanvo a ni tih a sawi a. Sorkar hnathawkte hi mipuite tana hna thawk an nih angin mipuiten an hriat duh an zawt thiang a, record an nei lo tih emaw, file a bo tih emaw chhuanlam an siam anih pawhin chutiang siamtir leh theihna chu RTI Act hi a ni a, an chhang ngei tur a ni a ti.
Hnahthial District Bawrhsap Pu Vanlalmawia kaihhruai RTI zir hona-ah hian Information Commission-a Secretary Pu Vanlalngena’n dan chungchanga hriat tur pawimawh zualte a sawifiah a ni.
