Mizoram Electoral Roll Special Summary Revision chu tun thla ni 31 a\angin neih \an a ni dawn. He Electoral Roll ennawnna neih turah hian kumin, 2018 January ni 1-a kum 18 tling chin la-in Electoral Roll hi ennawn a ni dawn a, hei hi kumin kum tawp lama Mizoram Assembly inthlanna neih tura Electoral Roll hman tur buatsaihna a ni dawn a ni. Electoral Roll ennawn hna \an nan hian tuna Electoral Roll neih lai hi tun thla ni 31-ah tarchhuah a ni ang a, hemi ni a\anga August ni 21 thleng thun belh dil duh te leh thil tih danglam leh siam \hat dil duhte tan dilna thehluh theih a ni ang a, an dilna te chu kumin September ni 20 ral hma-in chinfel a ni ang a, chumi hnuah Electoral Roll thar buatsaih hna thawh zui a ni ang a, inthlannaa hman theih tur Electoral Roll thar chu kumin September ni 27-ah peihfel a ni ang. Puan tawh angin tuna Mizoram Electoral Roll neih laiah vote nei mi 7,59,519 an awm a, heng zinga 3,71,473 chu mi an ni a, a bak 3,88,046 chu hmeichhia an ni a, hmeichhia hi mipa aiin 16,573-in an tam a ni. Tun dinhmunah Mizoram pumah Polling Station 1,148 a awm a ni.
