Mizoram Government Doctors’ Association General Conference vawi 35-na nei

0
438
views

Mizoram Government Doctors’ Association chuan Annual General Conference vawi 35-na nimin khan Aijal Club-ah an nei. Conference kharna inkhawma khuallian Chief Minister, Pu Lal Thanhawla chuan doctor hna chu hna zahawm leh ropui, an thawh \an dawna thutiam Hippocratic Oath pawh nei an ni tih sawiin, an thutiam chu englai pawha hre renga mihring nunna zah tur leh ngai pawimawh tur an nih tih sawiin an hnathawh chu sum siamna anga ngai lo turin a chah a, Mizoramah nausen thi leh nu nau chunga thi an tam \hin chu a tlakhniam theih nan \an la turin a chah bawk a ni. Chief Minister chuan hriselna ngai pawimawha, ei leh in tur bakah nun uluk turin doctor te chu a chah a ni. Chief Minister chuan doctor te chu khawvel thiamna sang chho zel leh changkang chho zel mila intuaithar reng turin a fuih a, sorkar hospital hrang hrangte chu tihchangtluna thuam \hat zel sorkarin a tum tih sawiin Falkawna Mizoram Institute of Medical Education & Research din mek chu thil khirh tak mahse mamawhna avanga tihpuitlin ngei tum niin a sawi a, Medical College \ha tak a nih theih nan sorkar chuan theihtawp a chhuah zel tih a sawi bawk. He Conference hi MGDA Vice President, Dr. Chawngthanchhunga’n a kaihruai a ni.