Siahatlah-ah District Court Building thar leh Judicial Quarters sakna tur lung phum

0
309
views

Gauhati High Court-a Portfolio Judge, Siaha District enkawltu, Pu Justice Nelson Sailo chuan vawiin khan Siahatlah-ah District Court Building thar leh Judicial Quarters sakna tur lung a phum. Thusawiin Justice Nelson Sailo chuan Siaha District-in Court Building thar leh Mizoram Judicial Service Grade I quarter \ha a nei dawn chu a lawmpui thu a sawi a, hna \ha taka thawka, a nih dan tur anga zawhfel tum turin hnathawktute a chah bawk. He Court Building leh Judicial quarters sakna tur lungphumnaah hian Mara Autonomous District Council hruaitute leh tlawmngai pawl hrang hrang hruaitute an tel a ni. He inkhawm hi Siaha Bawrhsap, Pi Harleen Kaur-in a kaihruai a ni. Siaha District Court Building thar hi Rs.18,03,40,000/- senga sak tur a ni a, MJS Grade-I Quarters hi Rs.1,96,60,000/- senga sak tur a ni. ————

Baptist Church of Mizoram Republic Pastor Bial Kristian Naupang Pawl Inkhawmpui vawi 20-na chu BCM Central Church-ah vawiin khan neih a ni. Hetah hian Speaker atan
Tv. H. Muansangpuia hman a ni. Republic Pastor Bial huam chhungah hian Kristian Naupang Pawl Unit 4 a awm a, inkhawmpui hmangtu zawng zawng hi mi 300 vel an ni a, intihsiakna chi hrang hrang an neih te chu Zaipawl zai, Thuvawn sawi rual, Lengkawm zai leh Quiz-a inel a ni.