Mizoram hmun hrang hrangah ruahsur vangin kawng a ping

0
387
views

Pathianni zan a\anga Mizoram hmun hrang hrang tuama nasa taka ruahsur vangin hmun hrang hrangah kawng a ping a, luipui kama awm khaw \henkhat tuilian vangin an buai a, leimin leh lei che avanga in chhia leh riah rauh san a awm nual bawk. PWD hotute hnen a\anga thudawn danin kawngping zinga tam tak siam tlang leh tawh a ni a, vawiin tlai thlenga pingte chu reiloteah siam tlang leh tuma hnathawh mek a ni. Mizoram ch^k lakna kawngpui ber, National Highway 54 chu Mualkhang Gas Bottling Plant bula lei tawlhin a hnawhpin bakah Hunthar Venga lei tlak hniamna hmuna kawngchhak lam a\anga lei tawlhin a hnawhping leh he kawngpui hi Hnahthial bulah leh Lunglei leh Lawngtlai inkar kawngah te leiminin a hnawhping bawk. Heng kawngpingte hi a rang thei ang bera siam tlang leh turin beihzui a ni a, Gas Bottling Plant bula ping chu nizan khan motor inkalchhawk theiha siam tlang a ni a, amaherawhchu, kawng chhuat khawk lai a nal avangin motor lian ritphur a tang \hin a, Hunthar Venga kawngping thenfai hna vawiina thawh mek laiin he kawng hi khar lailawka a chhuat siam \hat hna thawh a ni. Hnahthiala kawngping pawh khaw chhung lama a helna kawngah a kal theih avangin lirthei tangkhang awm lo tura beisei niin an sawi a ni. Lunglei leh Lawngtlai inkara kawngpingte, Siaha thlen hma lawka kawngpingte pawh motor kal theiha siam tlang leh vek a ni tawh a ni. Hetihlai hian National Highway 6 Seling leh Champhai inkar kawng pawh a tlang a ni. Aizawl-Thenzawl-Lunglei World Bank kawngah erawh chuan Ramlaitui bulah hmun hnihah leiminin kawng a hnawhping a, hei hi vawiin tlai khan motor te chi kal theiha siam tlang a ni a, hun reiloteah motor lian kal theihna siam a ni ang.