Tlabung leh a chhehvelah mihring chenna in 200 vel tuilianin a chim

0
398
views

Tlabung leh a chhehvelah chuan mihring chenna in 200 vel tuilianin a chim tawh a, Tlabung Branch YMA hruaitute hnen a\anga thudawn danin Tlabung khaw chhungah ringawt pawh in 60 vel tuilianin a chim a, chung zingah chuan Mizo chhungkaw chenna in 40 vel a tel a, tuilian hian zual lam a pan zel a, tun dinhmunah Licheng field pawh a chim pil vek tawh a, Licheng field bula YMA in chu lawngleng hmanga kalpawhin hemi hmun a\ang hian tuilian dinhmun Branch YMA hruaitute chuan an thlir mek a, thil tih \ulte an bawhzui zel a ni. Hetihlai hian Tlabung khaw chhehvel, Serhuan, Tiperaghat, Kawrpuichhuah leh khaw hrang hrangah tuilian hian mihring chenna in leh an leilet bakah huan a chim mek a ni.