Aizawlah chuan kawng hi Chanmari kawnah kawngzawh bul \anna inkhawm buatsaihin, Zarkawt kawn leh Vanapa hall kawtah te thu an sawi a. Kawng zawh pah hian aurualin kum 54 chuang Army Officer te enkawl Home Guard Department hotu tih danglamna tur Mizoram Cabinet in a pass chu an duh loh thu leh sut leh tura an phut thu te, State dangin Sipai bangte Property tax a awl tir anga awl ve an phut thu te, indopui-I na a sipaia tang, leh an thih san an nupui te leh 2nd Assam
Regiment disband te tanpuina tur Sorkar laipuiin cheng sang 6 a ruahman chu a nih anga pek ve an phut thu te leh Ex Servicemen te tana sorkar hna hauhsakna hrang hrang tih puitlin an phut thu te an auchhuahpui a, Mizoram Home Minister chu an duh loh thu an au chhuahpui bawk.
Kawng zawh hi Vanapa Hall kawtah tih tawp a ni a, an pawl President Col John Zama chuan, lungawilohna lantir chu an tum reng vang a nih loh thu sawiin, tunhma lamin an la ching ngai lo niin a sawi a, an dikna leh chanvo hmuh an duh vangin loh theih lohin kawng zawhin lungawilohna chu an lantir a ngai ta niin a sawi.
Col John Zama chuan, an lungawilohna chungchang chu Chief Minister, Minister leh MLA te hnenah an thlen vek tih a sawi a, heti chunga Cabinet \hukhawmin an chanvo laksak thei tur zawnga thu a pass ta mai chuan an rilru a ti na hle tih a sawi. Col. John Zama chuan, Home Guard chu Ex Servicemen ten kum 1964-a an din a nih thu a sawi a, sorkar in an nawm an maka an kalpui chu an phal dawn lo tih sawiin Director General Post siam an duh a nih pawhin tuna Commandent General Post chelhtu chu hlangkai mai turin sorkar an phut tih a sawi.
