Mizoram Honey Mission in Khuai khawitute hnenah Khuai a sem chhuak.

0
906
views

Mizoram Honey Mission in Khuai khawitute hnenah vawiin khan Khuai a sem chhuak. Hemi puala inkhawm Khatla New Secretariat Complex KVI Board pisa tuala neihah Commerce & Industries Minister Pu H Rohluna chuan, mi\henkhat hlawk tum lutuk, khawizu fir ni lo zuara mi bum ching an awm chu \ha lo a tih thu a sawi a, khawizu fir leh quality \ha neih a pawimawh tih sawiin hlawk duh avanga dik lo deuh a thil tih ching lo tur leh rintlaka awm turin khuai khawitute chu a chah a. Minister hian khuai khawitu mi 10 hnenah khuai leh a bu 5 \heuh a hlan nghal a ni. Sorkar laipuia Micro Small & Medium Enterprises in kum 2017-18 khan Mini Honey Mission hi kalpui turin Mizoram a rawn hriattir a, tunhnai khan Major honey Mission programme lian zawk kalpui turin a rawn hriattir leh a, hemi atan hian cheng nuai 344.13 ruahmanin, cheng nuai 20 chu a rawn pe tawh a, a thawhkhat nan vawiin khan khuai khawitu mi 10 hnenah khuai leh a bu hi pek chhuah a ni. KVI Director Pi Rualkhumi’n ZONET a hrilh danin khuai khawi chu a duh apiang tan dil theih a nih thu a sawi a, khuai khawitu mi 750 hnenah khuai leh a bu 7500 sem tur a ruahman a nih thu sawiin khuai dawngtute hi intiamkamna neih tir vek an nih thu leh an khuai dawn chu tihpun ngei ngei tur a nih thu sawiin a ti pung lo te chu hrem theih a nih tur thu a sawi. Inkhawm hi KVI Board Chief Executive Officer Pu Kaisangzuala’n a kaihruai a, KVI Board Chairman Pu K Lianzuala leh khuai dawngtute aiawhin Pu K Za\huama’n thu an sawi bawk.