Tourism Minister, Pu John Rotluangliana’n Aizawl leh Sakawrhmuituai tlang inkara Eco-Adventure Circuit hnuaia Skywalk leh Ropeway siamna tur lung Sakawrhmuituai Tlangah phum

0
523
views

Tourism Minister, Pu John Rotluangliana’n Aizawl leh Sakawrhmuituai tlang inkara Eco-Adventure Circuit hnuaia Skywalk leh Ropeway siamna tur lung Sakawrhmuituai Tlangah vawiin khan a phum. Aizawl leh Sakawrhmuituai Tlang inkara Eco-Adventure Circuit hnuaia Skywalk leh Ropeway siam nan hian kum 2017-2018 khan Swadesh Darshan Scheme a\angin Rs.99,07,00,000/- hmuh a ni a, he sum a\ang hian Aizawl leh a chhehvel hmun 11 thlan chhuahah te khualzinte hipna tur siam a ni dawn a, chungte chu Aizawl bakah Rawpuichhip, Khawhpawp, Lengpui, Durtlang, Sakawrhmuituai Tlang, Muthi, Berawtlang, Tuirial Airfield leh Hmuifangah te siam a ni ang. He project tihlawhtling tur hian Leading Edge Pvt.Ltd rawih a ni. Lungphumna inkhawma thusawiin Pu John Rotluangliana chuan he Eco-Adventure Circuit hnuaia Skywalk leh Ropeway siam tur chu khualzinte hipna atana Mizoram sorkar hmalakna chhinchhiah tlak a ni dawn niin a sawi a, Skywalk-ah hian khualzinte hipna atan souvenir dawr te, camping ground te, viewing gallery leh thil dang a awm dawn niin a sawi a, project tihlawhtling turin Sihphir leh Lungdai khaw mipuite chu neitu rilru pua rilru zau tak neih tum turin a chah a ni. He inkhawmah hian Deputy Speaker, Pu R. Lalrinawma chuan he project hian Lungdai leh Sihphir mipuite tan eizawnna thar a siam dawn niin a sawi a, phur taka \awiawm thiam turin a fuih bawk a ni. He inkhawmah hian Pu Hmingdailova Khiangte, MLA leh Pu Lalrinliana Sailo, MLA te pawhin thu an sawi a ni. Sakawrhmuituai Tlangah hian Skywalk meter 25-a sei, a chhuat darthlanga siam tum a ni a, Lungdai a\anga ropeway-a tlawh theiha siam tum a nih bakah Sihphir a\angin kea kalna tur trekking route siam tum a ni bawk a ni. He inkhawm hi Tourism Additional Secretary, Pi Zoramthangi Hauhnarin a kaihruai a, hetah hian Skyway leh Ropeway siam hnathawktu tur, Leading Edge Pvt. Ltd hotu Pu Satish Pathania chuan an hnathawh dan tur a sawifiah a ni.