He inrawnkhawmna Treausry Square-a MZP Conference Hall-a neih hi IEC Holder Association Working Committee Chairman, Pu R. Lalruatfela’n a kaihruai a, hetah hian IEC Holder Association Vice Chairman, Pu Sai\huama’n an thil phut hrang hrang a sawifiah a ni. An inbiaknaah hian IEC Holder Association hruaitute chuan kar kalta Nilaini a\anga Aizawl leh Champhai inkar leh Champhai leh Aizawl inkara tlan bungraw phur lirthei an endik chhan leh an thil tum tlangpui a sawifiah a, Zokhawthar kaltlanga sumdawnnaah dik leh \ha taka thil tih an duh thu a sawi a. He sumdawnna kalpui meka inthliarna awm mek chu thil \ha lo tak a ni tih sawiin, zalen taka sumdawnna hi kalpui an duh tih an sawi a. Custom Duty-te pawhin dik lo taka pawisa an khawn \hin pawh \ha lo an tih thu sawiin, tun hnaia Champhai Transport Union leh Zokhawthar khawtlangin inremna an siam chu sumdawngte nekchepna leh an mahni tan chauha hlawkna zawn tumna a nih avangin an duh lo tih a sawi bawk.
Mizoram Import Export Code Holders’ Association hian Mizoram kaltlanga ram dang nena insumdawn tawnna kalpui mekah dan ang taka thil tih a nih theih nan Nilaini a\ang khan Champhai a\anga Aizawl pan leh Aizawl a\anga Champhai lam pan tur lirthei kal reng reng dan phal loh bungrua an phurh leh phurh loh an endik a, Dik taka sumdawnna kalpui te, sumdawngte hnen a\anga phuahchawp leh tukluih pawisa lak \hin tihtawp te, Zokhawthar a\anga Assam thlen hmaa pawisa tam tak chawi ngai leh pawisa chawina hmun-a Cash Memo pek chhuah loh \hin tih tawp te, Transport Department hnuaia chhiah chawi inang vek si, Champhai District Registration nei ve lo lirthei tan ramdang bungrua phurh ve theih loh \hin tihtawp te, hnam dang sumdawng thurualpuia sumdawnna kalpui mek tihtawp te an phut a ni.
