Vawiina Aizawl Press Club-a thuthar lakhawmtute an kawmnaah an Pawl President, Pu F. Rodingliana chuan, Mizoram chu tlang ram a nih avangin State pawn a\anga bungraw lakluhna man a to a, hei vang hian thil siamchhuah lamah hmasawn a harsa hle a, hetihtiang hi ni mah se, thil siamchhuah kawnga rualawh a nat bawk si avangin hemi kawnga hmlatu ni mi tlemte an awm ve tih a sawi a. Hetihrual hian thil siamchhuaktute chu Industrial Area-a awm an ni chungin tui, kawlpheta leh inkalpawhnaah harsatna an tawk nasa hle a ni, a ti a. State danga an tih \hin angin Industrial Area-a awmte chu heng kawng hrang hrangah hian duhsak ni thei se an duh thu leh a bikin kawlphetha a awm dawn lo a nih phei chuan a hma a\anga hrittir lawk ni thei se an duh thu a sawi. Pu F. Rodingliana chuan, Mizoram Sorkar-in Industrial Policy a neih chhun chu hun engemaw chen a\angin sum harsatna vanga hman a ni tawh lova, hei bakah hian Sorkar laipui a\anga Hmarchhk Bial State tana ham\hatna awm \hin pawh tihtawp a ni tih sawiin, Mizoram Sorkar hnuaia an belh ve ber District Industries Centre pawh sorkar-in Industry Department leh Trade and Commerce Department hmun khata a chhun fin tak avangin hmala thei lovin a awm mek a, hemi kawnga an harsatna hi Sorkar-in ngaihtuahpui thei se an duh hle a ni, a ti a. Aizawl Municipal Corporation pawh an \hahnem ngaihna an hriatpui rualin, Mizoram thil siamchhuahna dinhmunte hrethiam chunga dan her rem sak turin an ngen tih a sawi.
Zawhna chhangin Mizoram Industry Owners’ Association hruaitute chuan tun hma lama Industry phuahchawp hmanga Sorkar laipui a\anga dik lo taka sum haichhuah ang kha a awm thei tawh lo nia sawiin, tuna Mizoram thil siamchhuahna neitu intelkhawm zingah pawh hnathawk mumal lova thil tikual vel ang chi an awm lo tih an sawi a. An khawl leina man a\anga zaa 30 an hmuh let bak Central a\anga \anpuina dawn an nei lo tih an sawi. Mizo \halai mahni kea din tum leh Industry din tumte chu engtik lai pawha an \anpui theih reng thu an sawi bawk.
