Minister hian Zauva Memorial Tennis Centre sak mekte, Zobawka State Sports Academy te, Lungleia SAI Extension Centre te, Sazaikawna Multipurpose Hall te, District Sports and Youth Services Hostel leh Lena Stadium te a tlawh a, Lunglei SAI Centre-ah infiamna kawng hrang hranga a thei bik naupang tam zawk enkawl an nih theih nan \anlak a tum thu sawiin, Zobawka State Sport Academy sak mek pawh tih changtlun belhzel a \ul thu a sawi. Lunglei District Sports Committee leh Lunglei Distrct Football Association ngen angin Lena Stadium-a Football Ground dung tawi lutuk nia sawi pawh a tihzauh dan tur a en nghal bawk.
Pu Robert Romawia Royte hian nizan khan Lunglei District Sports Committee hruaitute leh Sports discipline hrang hrang aiawhte a kawm a, infiamna kawng hrang hrangah Mizoramin chak zawka hma a sawn theih nan Sorkar chuan infiamna chi hrang hrang huap tur Mizoram State Games a buatsaih dawn tih sawiin, Mizoram chu India rama State fit ber leh Mizo hnam chu India rama hnam fit ber ni tura \anlak mek a ni, a ti.
Sports Minister hian Lunglei District Football Association buatsaih Season Ending Tournament Final Match, Thuamluaia muala neih pawh a hmanpui nghal a ni. Tourism Minister nibawk Pu Robert Romawia Royte hian Lunglei Tourist Lodge siam\hat dan tur a en bawk.
Minister-in Lunglei leh a chhehvela sorkar hmalakna hrang hrang a ennaah hian HPC Vice Chairman, Pu Lawmawma Tochhawng MLA, Department hotute leh Sports Association hrang hrang hruaituten an \awiawm a ni.
