Mizoram Journalist Association Member 9 leh Information and Public Relations Dept-a thawktu mi 3 ten Pudhucherry-a hmasawnna hna an thawh dan leh sorkar hmalakna te tun kar chho khan an zirchiang a, Tourism lama an hmasawnna chu an thlurbing zing ami a ni.

Chanchinbumite hian Pudhucherry khaw daifem a, French ho chhenna bul a, Auroville te, The Matrimandir te, Central Peace hmun te, khualzin hipna tura an siam hmun hrang hrangte an tlawh a, Tourism Department Director L Mohamed Mansor chuan, kum khat chhungin rampawn mi nuai 1.5 lakhs vel leh ramchhung state hrang hrang a\angin mi nuai 50 velin an state an tlawh \hin tih a sawi a, khual zin hip tur hian ram pawnah te an state fakna an ti chhuak \hin tih a sawi. L Mohamed Mansor chuan, mimal kuta thil hlan chhawn privatisation an kalpui nasat avangin kum khat chhunga an sum hailuh zat chiah hriat a harsat thu sawiin hetihrual hian cheng vbc. 400 vel chu a tlin a rin thu a sawi. Chanchinbumite zawhna chhangin L Mohamed Mansor hian Mizoramah khualzin hipna turin hmun dang a\anga thil lakluh vak aiin a awmsa hman \angkai thiam a pawimawh a rin thu a sawi a, hetihrual hian enviroment ti chhe zawnga khualzin hip tum erawh \ha a tih loh thu leh an state pawhin an tih ngai loh thu a sawi.