Mizoram leh Assam inri-naa Inner Line Reserved Forest sq.mile 509 huam chhunga dan phal loha in sak leh thil tih dang nimina enfiah tura thawk chhuak Mizoram team leh Assam team te an ngaihdan a inan loh avangin engmah ti lovin an \in. State pahnih aiawhte hian an ram enfiah tur chin leh an hma lak dan tur chu thuneitu sang zawk ten rel fel hmasa phawt rawh se tiin an in \ha \hen a, Zonet zawhna chhangin Mizoram team hruaitute chuan State pahnih aiawh Joint team te hian nimin chawhma dar 10 vel khan Phaisen khaw bul an thleng a, Mizoram team hian Phaisen khaw thlanga IR Battalion awmna a\anga teh \an an duh laiin Assam lam chuan chu chu pawm lovin Phaisen leh Buhchang inkara Chhimluang lui a\anga teh \an an duh a, chu chu Mizoram team-in an pawm theih loh avangin ngaihdan a inang lova, engemawchen sawiho a nih hnuah thutlukna an siam theih loh avangin thuneitu sang zawkten an teh tur chin leh an hmalak dan tur indawt an rel fel hnuah teh chhunzawm ni se tiin thu an dah ta a ni. Mizoram team hi Environment, Forest & Climate Change Department-a Conservator of Forests, Pu Lalthlamuana Pachuau-in a hova, midangte chu 1st IR Battalion Commandant, Pu HL Thangzuala, Kolasib ASO, Pi TT Beikhaizi, SDC, Pu Samuel Zodinsanga, DFO, Pu Lalnunzira, MZP hruaitu leh mi pawimawh dangte an ni a, Assam team chu Cachar DFO, Pu NH Majundar-an a ho a ni.
