Mizoram Lumpsum Grant-in-Aid Higher Secondary School pakuaten Adhoc Grant-in-Aid dinhmuna hlankai phutin vawiin khan Aizawl khawpuiah kawng an zawh.

0
339
views

 

He kawngzawhnaah hian Lumpsum Aided Higher Secondary School awmna khaw pakua – Phullen, Thingsulthliah, Sakawrdai, Zobawk, Farkawn, North East Khawdungsei, East Lungdar, West Phaileng leh Zawlnuam a\angin zirtirtute leh zirlaite bakah Managing Board member te an tel a, Chanmari kawn a\anga kawng zawh \anin, Zarkawt kawn leh Vanapa Hall kawtah te an hruaituten thu an sawi a ni.

Kawng zawh pah hian dinhmun sang zawka dah tura sorkar an phut thu an auchhuahpui a, Vanapa Hall kawta inkhawmah thusawiin Lumpsum Grant-in-aid Higher Secondary School Joint Student Union President, J. Lalrorela chuan an thil ngiat chu a hlawhtlin hma chuan bawhzui zel an tum niin a sawi a, an thilphut chu sorkar tan tihawlsam tea lang nia sawiin, NEDP sum hmanga thil tam tak tih a nih laia an thilphut tihhlawhtlin theih a ni lo chu an hriatthiam loh thu a sawi a ni. Vanapa Hall kawta inkhawmah hian resolution pass a ni a, chutah chuan Lumpsum Grant-in-Aid Higher Secondary School pakua te sorkar dinglaiin an hunchhung ngeia Adhoc Grant-in-Aid-ah hlangkai rawh se tih leh leh an thilphut chu tihhlawhtlin a nih loh chuan tihlawhtling tura hmalak zui an tum thu te an tarlang a ni.