He inelna hi Centre 8- Aizawl, Lunglei, Champhai Serchhip, Mamit, Kolasib, Siaha leh Saitual-ah pawl 5, pawl 8, pawl 10 leh 12 zirlaite tan buatsaih a ni a, Aizawlah chuan College venga Pachhunga University College-ah Exam hi neih a ni a, hetah hian zirlai 1,717 an tel a. Lungleiah zirlai 578; Champhaiah 243; Serchhipah 228; Mamitah 28; Kolasibah 119; Siaha-ah 42 leh Saitualah zirlai 327 an vaiin zirlai 3,182 an tel a ni. Mizoram Mathematics Society hruaitute chuan, Mathematics inelna hi Mizo zirlaiten Mathematics an hluhna tihbo a nih theih nan kum 2007 a\ang khan buatsaih \an a nih thu an sawi a, hei hian a kum telin hlut a hlawh chho zel a, Exam hmachhawn pawh an pung zel a ni. Mizoram Mathematics Society chuan, he inelna buatsaih a nih theih nana sum leh pai thawhtu Mizoram Science, Technology and Innovation Council chungah an lawm hle tih an sawi a, he inelna tel zirlai leh an nu leh pate chungah lawmthu a sawi bawk.
