Mizoram Maxicab Owner Association-in All Mizoram permit pe tur leh Maxicab chuan man tisang tura sorkar an ngenna tihhlawhtlin a nih loh chuan October ni 3 a\angin an lungawilohna lantir nan tiamchin awm lova an din tur thu an puang.

0
348
views

 

Aizawl Press Club-a thuthar lakhawmtute vawiina an kawmnaah an pawl President, Pu C. Lalthanmawia chuan, kumin April thlaa an pawl Special Assembly chuan Maxicab ch<an man chu Metal Road-ah kilometre khat cheng 3 leh Metal Road ni lovah cheng 3.50 ni turin thutlukna an siam tih leh hemi hnua State Transport Authority \hukhawm chuan Maxicab ch<an man hi Metal Road-ah kilometre khat cheng 2.50 leh Metal Road ni lovah cheng 2.75-in a bituk sak niin a sawi a. Tunhnaiah Diesel man a to zel bakah Motor man pawh a to chho zel avangin an pawlin Rate a siam anga tlan phalsak turin sorkar an ngen tih a sawi a ni.

Pu C. Lalthanmawia chuan, Maxicab hi kum 2007 a\angin Mizoramah tlan \an tir a nih thu leh a tirah chuan Mizoram puma tlan phalna pek an ni a, kum 2016 a\ang khan kawng bik neia tlan tura ruahman sak an ni tih sawiin, rikrum thil emaw thil pawimawh bika hmun danga an tlan dawnin harsatna an tawh \hin avangin Mizoram puma tlan phalna, All Mizoram Permit pek an duh niin a sawi a, an thil phut chungchang hi Transport Minister, Pu John Rotluangliana an sawipui tawh thu leh Minister a nih chhung chu All Mizoram permit pek an nih loh tur thu a lo chhang chuan an rilru a tina takzet niin an sawi bawk.