NLUP leh NEDP Convergence Scheme dawng tur thlan dan chungchang Pi Vanramchhuang’in Gauhati High Court, Aizawl Bench-a Interlocutory Application a thehluh chu High Court-in ngaihtuahin a hnawl.

0
235
views

 

He thu hi NLUP Implementing Board Vice Chairman, Pu PL Thanga’n NLUP Conference Hall-ah thuthar thehdarhtute vawiin khan a hrilh a, Pu PL Thanga chuan NLUP khingtute chu NLUP sem dan an hriatfiah loh vang nia sawiin, NIB \anhmun chu dik leh langtlang thei a ni a, VLNC hmanga a dawng tur te thlan niin a sawi a ni. Pu PL Thanga chuan High Court-in cluster 40-a thil awmdan a enfiah hnuah he thupek hi a tichhuak niin a sawi bawk.

Puan tawh \hin angin Pi Vanramchhuangi chuan kumin August ni 3 khan High Court-ah petition thehlutin NLUP thlan chungchangah eptu MLA parukte thlang tura tih an nih loh laiin, MLA pawh ni lo Congress mi leh sa pali chu NLUP leh NEDP dawng tur thlang tura tih an nih avang leh NLUP dawng tur thlan danah guidelines siam a nih leh nih loh sawifiah turin sorkar a phut a. High Court chuan Pi Vanramchhuangi dilna thehluh chungchangah hian interim order tichhuakin, chawlhkar li chhung NLUP sem chawlhsan rih turin Mizoram sorkar a hriattir a, hemi chhung hian Mizoram sorkar chuan a thil tih dan sawifiah tura Court-in a tih angin insawifiahna Court-ah thehlut a ni.