MCU Officer Bearers-te hian STA Chairman hnenah lehkha an thehlut nghala, tunhnaia sorkar rate thar siam anga tlan duhlote chu an permit cancel saka, a tlan duhte temporary permit pe-a tlan tir mai turin STA Chairman chu an ngen a ni. MCU Office Bearers STA Chairman hmutute hi an Vice President Pu Vanramchhuanga, General Secretary Dr. Chawngsailova leh midangte an ni. He mi hma lam hian Mizoram Consumer Union chuan chuan man tihpun leh All Mizoram Permit phut vanga Maxi Cab neitu nuarte chungchangah hian thuchhuah siamin sorkar rate thar siamah chuan metal kawngah chuan man km 1 zelah Rs 2.50 leh Metal lohah km khat zelah Rs 2.70 a ni tih sawiin dan palzuttute chungah dan lekkawh ngam turin sorkar a phut a, Mizoram chu India ram State hrang hrang zinga tuialhthei man tlawmna ber zingah a tel niin MCU chuan a sawi bawk a ni.
Hetihlai hian Mizoram Maxi Cab Owners Association chuan an thilphut sorkarin a tihpuitlin theih loh chu Maxi Cab tana All Mizoram Permit pek a ni zawk tih sawiin Mizoram Consumer Union-in chuan man chungchanga lungawilo nia a sawi leh thuchhuah a siam chu an tih tur a ni lo niin an sawia, Maxi Cab tana All Mizoram permit pek chu sorkar tan hekna a awm lo niin an sawi bawk.
