Mizorama Maxi Cab neituten sorkar-a an thilphut tihhlawhtlin ngiat nan lungawi lohna an lantir chhunzawm zel.

0
257
views

 

Vawiina an pawl thuchhuah tarlan danin, lungawi lohna an lantir chhan ber chu Mizoram puma tlan theihna All Mizoram Permit pek an duh vang a ni a, hemi chungchanga an thilphut nawr nana lungawi lohna lantir a ngai ta hial chu pawi an tih thu an sawi a. Hetiang hi thil awmdan a nih laia Maxi Cab chuan man chungchanga lungawi lo anga thu thehdarh a ni chu pawi an tih thu sawiin, miretheite kan VIP titu Sorkar hian an kaihhruai mipuite hmakhua a ngai tak tak a nih chuan Sorkar tana hekna awm miah lo Maxi cab service-te tan All Mizoram Permit pe ngei tura an phut thu an sawi a ni. Mizoram Maxi Cab Owner Association chuan, lungawi lohna an lantir chungchangah Mizoram Consumer Union-in thuchhuah siama an hmalakna dem zawng anga thu an thehdarh chu \ha lo an tih thu an sawi a, maximum retail price leh An\am tel khat man pawh khuahhirh thei loten an hmalakna an dem thu an sawi chu an tih loh tawp tur nia an ngaih thu an sawi bawk.

Puan tawh angin Mizoram Maxi Cab Owner Association hian All Mizoram Permit pe tur leh Maxi cab chuan man tisang tura Sorkar nawr nan nimin a\ang khan an lirthei an din tir \an a. An pawl President, Pu C. Lalthanmawia chuan an thilphut chungchangah hian Sorkar a\anga thulawmawm an dawng lo a nih chuan nawrh hi chhunzawm zel an tum thu a sawi a ni.