Chawhma lam inkhawm chu an Pawl President, Pu Zothangliana’n a kaihruai a, kum 2018-20 chhunga an member boral mi 18 an sun a. Vice President, Pu Lalremsiama’n member-te fuihna thu a sawi bakah General Secretary Leh Finance Secretary-in an pawl hmalakna hrang hrang leh sum dinhmun an sawi bawk. Chawhnu lamah an pawl Sr. Vice President, Pu H. Dawngliana kaihhruaiin ro an rel a, an thurel zingah Assitant hlawh Level 7 a\anga level 8-a tihsan rawtna te, LDC hlawh level 4 a\anga level 5-a tihsan rawtna te, ATI Aizawl chu kum khatah vawi khat tal District Headquarters-a Training buatsaih tura an beisei thu te, HBA lakna atan inhmun dahkham ngai \hin chu tihtawp a nih theih nan hmalak leh HBA rulh zawh hnua No Demand Certificate pek chhuah dan chu tun aia awlsam zawka tih dan ngaihtuah ni rawh se tihte chu lungrual takin an pawm a. Kum 2020-21 chhunga an pawl hruaitu thar tur an thlang nghal bawk.
Mizoram Ministerial Servcie Association hi Mizoram sorkar-a LDC, UDC leh Assistant hnathawk inzawmkhawm an ni a, tunah hian Mizoram pumah member 3,000 chuang an awm mek a ni.
