Mizoram MLA hlui, Pu Chawngzuala chu nizan dar 11 khan Mission Venga an chenna inah a thi.

0
472
views

Kum 80 hmel hmua thi, Pu Chawngzuala hian a nupui, Pi Zothansiami, fapa 2 leh tu 3 a kalsan a ni. Kum 2000 December thla khan stroke a nei a, heta \ang hian chau chho zelin nizan khan a khawvel zin kawng a zawh tawp ta a ni. Upa Chawngzika leh Pi Thangnghilhlovi te fa 6 zinga a upa ber dawttu, Pu Chawngzuala hi kum 1938 October thla khan a piang a, kum 1996 khan Mizo National Front-in independence an sual \an khan MNF a zawm a, heta \ang hian MNF hruaitute zingah a tel a, Vice President te, Minister-te a ni a, kum 1986-a MNF leh sorkar laipuiin inremna thuthlung an siam thleng khan ramhnuai sorkarah dinhmun pawimwh tak chelhin a awm a, remna thuthlung siam hnuah nunphung pangngaiah a lo let a, kum 1987-a Mizoram State Legislative Assembly inthlanna neih hmasak berah khan MNF Ticket-in Aizawl South II bialah thlantlin a ni a, Mizoram State Planning Board Vice Chairman atan dah a ni. Inthlannaah Candidate ni zui tawh lo mahsela MNF Party-ah Adviser a ni zui zel a ni. Pu Chawngzuala hi vawiin chhun dar 12 khan vui a ni a, Bialtu Pastor R. Lalhmingthanga’n thlamuanna thuchah a sawi a ni.