Vawiin a Aizawl Press Club a chanchinbumite an kawmnaah MPF hotute chuan, party \henkhat Autonomous District Council pek lo tiam te, school upgrade tiam leh mimal Bank Account a pawisa dahsak tiam te, thlantlin an nih chuan MLA fund pek lo tiam te an awm nia an hriat thu an sawi a, hengte hi finfiah vek theih ni lo mahse thawhhona thuthlung an ziahah thil intiam ang chi chu tih loh tur tih a nih avangin thawhona thuthlung chu zawm turin party leh candidate te an beisei tih an sawi.
MPF hotute chuan, Scooty leh Laptop sem chungchang sawi awm pawh \ha an tih loh thu an sawi a, Candidate ten in tina lut lawra campaign an duh chuan MPF local forum member te tela tih tur a ni a, party worker te erawh chu house to house campaign phal loh nise tih chu an inremna a nih thu an sawi.
MPF hotute chuan Poltical party te nena thawhhona thuthlung an siam chu Election Commission dan zulzuia siam a nih thu sawiin Party President tinin an hming ziah hnan vek mahse thuthlung bawhchhia leh bawhchiaa inpuhna a tam hle tih an sawi a. Bial \henkhata hel chetna thawm hriat tur awm chu pawi an tih thu sawiin hel pawltethawhpui lo turin political party tin an ngen nawn leh tih an sawi a, ruai\heh te, vote lei emaw hralh emaw, kum tling lo politics khelhna hmanruaa hman emaw te ti lo turin Political party leh candidate te an ngen nawn tih an sawi bawk.
