MNF President Pu Zoramthanga’n party dangin sorkar tura an rin avangin an beihrawn mek niin a sawi.

0
316
views

 

He thu hi vawiina Hnam Run inkhawmah sawiin Pu Zoramthanga chuan, BJP President Amit Shah leh Mizoram inthlan viltu tura an dah BJP hotupa Hemanta Biwas Sharma ten MNF nen an thawho loh thu chiang taka an sawi chung leh MNF High Command pawhin ‘party dang tumah thawhpui loh’ an rel chungin Congress in sawi zawm phet an tum niin a sawi a, hei hi kawng dang an neih tawh loh avang nia sawiin, tih ngaihna hre lo thil tih nia a ngaih thu a sawi.

Pu Zoramthanga chuan thutiam dawrawm tak tak tiam a, sorkar tuma hmalak an duh ve lo nia sawiin thuneihna an chan chuan SEDP kaltlangin cheng nuai 3-in mipuite an \anpui dawn a, an hmalakna azirin cheng nuai 3 aia tam pawh \anpuina pek an ni dawn niin a sawi a, SSA zirtirtuten thla 4 vel laite hlawh an la thei lo fo niin a sawi a, congress sorkar in CSS hnuaia Hindi zirtirtu lak an ban anga ban ve mai an hlauthawng nia a hriat thu sawiin inthlana thuneihna an chan chuan hlawh lak theih loh an nei tawh dawn lo niin a sawi a, SSA zirtirtute chu a tah tawlin an dahnghet dawn niin a sawi.

MNF General Secretary Pu C Tawnvela kaihhruai inkhawmah hian Pu Zoramthanga hian an party zawmthar te a lawmlut a ni.