Vawiina Aizawl Press Club-a thuthar thehdarhtute an kawmnaah MPF Vice President Rev B Sangthanga leh hruaitu dangte chuan, Vote in lei sakin nasa takin mihring nun a tichhia niin an sawi a, hemi avang hian Candidate-te leh an Campaigner zawng zawngte chu Pathian duhzawnga campaign a, vote lei zawnga hma la lo turin an chah nawn a ni. Mipuite pawh sum leh pai leh therhlo hmanga lei theiha awm lo tura an duh thu pawh MPF hotute chuan sawiin sum leh therhlo hmanga vote lei tuma hma latute chu ram hruaitu atana vote lo turin mipui te an chah bawk.
MPF hotute chuan, MPF leh Party tinte thawhhona thuthlungin a sawi angin thu belhchiandawl lo leh finfiah nghal mai theih loh hmanga inbeih te ti lo tur leh party insawichhiatah chintawk nei tura party leh candidate te an duh thu an sawi a, invauna leh intih\haihna thil ti lo tur te, an party vote-tute chauh duhsak bik tur anga invauna awm \hin chu \ha lo an tih thu te sawiin hel lema chan chungchang chanchinbua lo lang chu pawi an tih thu an sawi a, party ham\hatna atana hel hmanruaa hmang lo turin party leh candidate te an ngen bawk. MPF hotute chuan, MPF leh party te thawhhona thuthlung bawhchhe zawnga khawsa te chuan Kohhran leh khawtlang inkaihhruainate an ngaihpawimawh a rin loh thu sawiin Mipui te chu Pathian hnena \awngtai turin an sawm bawk.
