Mizoram Police CID (Narco)-in nizan khan Assam Karimganj District-a Medilli khaw mi Durba Joy Reang inti hnen a\angin pawisa lem cheng nuai 46 chuang hu an man.

0
246
views

 

CID (Narco) hotute hnen a\anga Zonet thudawn danin Police-te hian ruihhlo dap beihpui an thlakna lamah pawisa lem hi an man a, a kengtu Durba Joy Reang pawh man nghalin Vaivakawn Police Station-ah thubuai an siamsak a ni. Police-in pawisa lem an man hi cheng 2,000 note lem 2,131 leh cheng 500 note lem 761 a ni a, a vaiin cheng 46,43,500 hu a ni.

Court remtih angin pawisa lem neitu hi thu zawhfiah atan Vaivakawn Police Station-in an kawl mek a, he thila inhnamhnawih dangte an chhui mek a ni.