Tripura Bru Relief Camp a\anga Mizoram mi laklet thawh riatna neih mekah vawiin khan Hazacherra Camp a\angin Lunglei District-a let tur chhungkaw 28 te chu Tripura-a an awmna Camp a\angin Mamitah hruai thlen an ni.

0
267
views

Hemi chungchanga sorkar lam a\anga ZONET thudawn danin heng mite hi zaninah Mamitah riahtir an ni ang a, thiltih fel ngai hmasa te tihfel a nih hnuah naktip, ni 21-ah Lunglei pana hruai an ni ang a, ruahman lawk dan chuan Lunglei an thlen hunah 2nd MAP Battalion hmunpuiah thlen tir an ni ang a, chumi hnuah an awmna tura ruat Dinthar khuaah hruai an ni ang a, hetah hian awm nghet turin inbenbel tir an ni ang. Anmahi dahna tur Dinthar khua hi Tlabung khua a\anga hla vak lova awm a ni. Hei hi Tripura Bru Relief Camp 6 a\anga Mizoram mi hruaikir thawh riatnaa a hlawma hruaikir tam ber an la ni rih a, hemi hmalam hian Lunglei District-ah chhungkaw khat leh Kolasib District-ah chhungkaw hnih hruaikir an lo ni tawh a ni.