Hemi chungchanga vawiina thuchhuah an siamah Mizoram Police chuan tluang taka vote thlak a nih theihna atana hma latu NGO, Kohhran, MPF, Political party leh inthlanna buaipuitute leh Distirct tin SP leh Election Official te fakawm an tih thu an sawi a, State dangte entawn tlak khawpa inthlanna thianghlim leh muanawm a awm thei chu lawmawm an tih thu sawiin Mizoram Police hotu ber DGP Pu Balaji Srivastava pawhin Police duty zawng zawngte chungah lawmthu sawina a thawn vek tih an sawi a, Mizoram Police chuan EVM te chu Strong Room-ah Central Armed Police Force, State Armed Police leh Mizoram Police te venhimna hnuaiah a awm mek tih sawiin, boruak \ha leh muanawm tak hnuaia vote tla te hi chhiar a nih theih nan pawl hrang hrang leh mipuite chu Police te thawhpui turin an ngen a ni.
