He \hutkhawmna kaihruaitu BJP Mizoram Pradesh President, Prof. JV Hluna chuan, BJP chu Mizorama Political Party hrang hrangten nasa taka chirhthehin, mipuite chu sum hmanga lei tum angin leh chumi laka lo fimkhur tura chahin, Pulpit tlang thlengin Kohhran hruaitu zahawm tak takten thu an sawi a, hei hi a dik lo a ni tih chu Mizoram Assembly inthlanpui neih zawh taka BJP Party Candidate-te chu a hrechiangtu an ni tih sawiin, candidate zinga \henkhatte phei chuan campaign-na tur sum pawh an nei mang lo hial niin a sawi a, BJP hian sum hmangin Mizo mipuite hi lei an tum lova, mipui hnena an zawrh ber chu retheite dinchhuahna tura hmasawnna hna hrang hrang thawh leh retheihna ata mipuite chhanchhuah a ni tih hre turin Zoram mipui a chah a ni. Prof. JV Hluna chuan, BJP-in MLA a neih zat tur chu an sawi lawk thei lo tih sawiin, Pathian leh mipui zarah seat engemawzat chu an la ngei dawn niin a sawi a ni. Prof. JV Hluna chuan he inthlanna a\ang hian party mala sorkar siam thei an awm a rinawm loha, sorkar siamna turah an party chu an \angkai dawn avangin eng Party nge an thawhpui dawn tih chu an hotute kutah a awm niin a sawi.
